Олимлар Жанубий Африкада «Australopithecus sediba» (австралопитек) номи билан машҳур бўлган энг қадимги инсон аждодининг қолдиқларини аниқлади. Бу ҳақда «eLife Science» хабар берди.

Келтирилишича, суяк қолдиқлари икки миллион йил олдин яшаган одамга тегишли экани аниқланган. Скелет бўлаги тадқиқотчиларга янги маълумотларни ўрганишга, хусусан, унинг қандай ҳаракат қилгани ҳақидаги узоқ вақтдан бери давом этаётган баҳсни ҳал қилишга имкон берган. Австралопитеклар Ерда одам каби юрган ва дарахтларга тирмашиб чиққан.

Олимлар эгри умуртқа поғонаси суякларини аниқлаган. Бундан одам тури икки оёқда юриш учун кўп вақт сарфлагани маълум бўлган. Суяклар Жанубий Африка ғоридан олинган тош бўлакларида сақланиб қолган. Таҳлил шуни кўрсатдики, улар аёлларга тегишли бўлиб, олимлар уни Исса деб атаган, бу суаҳили тилида «ҳимоячи» деган маънони англатади. Шунингдек, улар австралопитекларнинг замонавий одамлар каби бешта бел умуртқаси борлигини аниқлаган. 

Аввалроқ Исроилда фанга номаълум одам суяклари топилганди. Шунингдек, Баварияда 1500 йиллик жангчи ва аёл скелети аниқланганди.