Молия вазирлиги: «2022 йилда давлат ички қарзи кўпайиши мумкин»

Молия вазирлиги департамент директори Жасур Қаршибоев 2022 йил учун ҳукумат таклиф этган давлат бюджети лойиҳасида давлат ички қарзини жалб этиш максимуми 6 триллион сўмгача этиб белгилангани ҳақида гапирди, деб хабар бермоқда «Bugun.uz» мухбири.

Фото: «Bugun.uz»

Департамент директорининг маълум қилишича, давлат қарзини самарали бошқариш стратегияси доирасида, асосан, қарз портфелини диверсификация қилиш ва валюта хатарини камайтирган ҳолда миллий валютада ички бозорда ёки ташқи бозорда қарз жалб қилишга ҳаракат қилинмоқда.

«Ҳукумат томонидан парламентга киритилган келгуси йил учун бюджет лойиҳада 6 триллион сўм миқдоридаги ички қарз жалб қилиниши режалаштирилмоқда. Ўтган йили бу 5 триллион миқдорида эди, ҳозир 6 триллон сўм. Бу босқичма-босқич амалга оширилиб борилмоқда. Ички бозорда молиявий ресурсларни нисбатан чеклангани шароитида асосий эътиборда бўлган ташқи инвесторларни Ўзбекистоннинг давлат қимматли қоғозларига инвестиция қилиш учун шароит яратиш бўйича тегишли қарорлар қабул қилинган», — дейди у.

Ўзбекистон ҳукумати 2020 йил ноябрь ойида илк маротаба миллий валютада икки триллион сўмлик евробондни Лондон биржасига жойлаштирганди. Молия вазирлиги келгусида хатарларни камайтириб, миллий валютада қарз жалб этиш масаласига эътибор қаратишини билдирганди.

«Ҳозирги кунда норматив-ҳуқуқий ҳужжатларга ўзгартиш киритиш бўйича иш олиб борилмоқда, йил якуни бўйича бу ўзгартишлар киритилса, кейинги йилда регулятив нуқтаи назардан жисмоний шахсларга ҳам, барча юридик шахсларга ҳам, норизидентларга ҳам давлат қимматликларини олиш бўйича чекловлар олиб ташланади», — дея таъкидлади Жасур Қаршибоев.

Маълумот учун, 2022 йилда Ўзбекистон давлат ташқи қарзи учун ўрнатилган лимит 4,5 миллиард доллар бўлиши кутилмоқда. Бу жорий йил амал қилган чекловга нисбатан 500 миллион доллар паст, 2020 йилга нисбатан эса 1 миллиард доллар камайган. Келгуси йил якунида Ўзбекистон қарзи ялпи ички маҳсулотга нисбатан 40 фоизгача ошиши мумкин.

Эслатиб ўтамиз, аввалроқ мамлакат ташқи қарзи учун ўрнатилган лимит 2022 йилда ўзгариши мумкинлиги хабар қилинганди.

Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
Жамият21:02 | 28.9.22
Бугун оқшоми. Ҳокимларга танбеҳ берган Умурзоқов, робот томонидан ўтказилган илк жарроҳлик амалиёти, фуқарони калтаклаган ИИБ ходимлари
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Жамият20:38 | 28.9.22
«Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз» — Шавкат Мирзиёев
Чирчиқ дарёсида балиқлар оммавий нобуд бўлаётгани айтилди
Жамият, Тошкент вил.20:35 | 28.9.22
Чирчиқ дарёсида балиқлар оммавий нобуд бўлаётгани айтилди
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Жамият19:58 | 28.9.22
Олий суд Фарғонада фуқарони калтаклаган ИИБ ходимлари судда оқлангани юзасидан баёнот берди
Қамчиқ довонида юк автомобили ёниб кетди
Жамият19:35 | 28.9.22
Қамчиқ довонида юк автомобили ёниб кетди
Тош конларига кўчирилган қабристонлар, 6 млн кишининг суяклари: Париж катакомбалари ҳақида
Жаҳон19:08 | 28.9.22
Тош конларига кўчирилган қабристонлар, 6 млн кишининг суяклари: Париж катакомбалари ҳақида