NASA роботининг Lunar Reconnaissance Orbiter (LRO) космик қурилмасидаги камера ёрдамида олимлар Сатурн ҳалқаларининг шимолий томонини суратга олишга муваффақ бўлди. Бу ҳақда «Brink wire» хабар берди.

Маълум қилинишича, суратда Сатурн олдидаги ҳалқалар унинг экваторидан пастда жойлашганга ўхшайди. Тор бурчакли LRO камералари чизиқли сканерлаш камералари бўлиб, улар асосан Ойни суратга олади. Сатурнни суратга олиш учун LRO камерани орбитада ҳаракатга келтирган. Бундан ташқари, тадқиқотчилар оптимал таъсир қилиш вақти 3,82 миллисекундни ташкил қилганини аниқлади.

Бироқ астрономлар Сатурннинг йўлдошларини суратга ололмаган. Шунга қарамай, LRO Сатурн ҳалқалари тасвирини олишга муваффақ бўлган. Улар деярли бутунлай сув музидан иборат бўлиб, уларнинг ёши 10 дан 100 миллион йилгача, қалинлиги эса 10 метрни ташкил қилади. Асосий кўринадиган ҳалқалар диаметри 270 000 километрдан иборат. Бу Ер ва Ой ўртасидаги ўртача масофанинг тахминан 70 фоизини ташкил қилади.

Аввалроқ Хаббл телескопи шаклланаётган юлдузни суратга олганди. Шунингдек, NASA Плутон сайёрасининг янги суратини намойиш қилганди.