Ўзбекистонда октябрь ойида 55 та электромобиль олиб келиш учун 1,5 миллион доллар сарфланди. Статистика қўмитаси ахборот хизмати бу бўйича «Bugun.uz»га хабар берди.

Маълум бўлишича, 2021 йилнинг октябрь ойида Ўзбекистонга хориждан 55 та электромобиль импорт қилинган. Кўрсаткич сентябрь ойига нисбатан 2 тага кам. Шунингдек, октябрь ойида электромашина олиб келиш учун 1,5 миллион доллар сарфланган.

Эслатиб ўтамиз, аввалроқ Ўзбекистон хориждан 9 ойда 558 та электромобиль импорт қилгани ва натижада электромобиль импорти қарийб 7 бараварга ошгани маълум қилинган. Шунингдек, июнь ойида нечта электромобиль олиб келингани очиқланган.