Янгиликлар - 17:31 · 26.11.2021

«Ўзбекнефтгаз» Аи-80 бензини нархи пасайишини маълум қилди

«Ўзбекнефтгаз» Аи-80 бензини 26 ноябрь куни соат 20:00 дан бошлаб 6890 сўмдан сотувга чиқарилишини маълум қилди.

Фото: «Bugun.uz»

Таъкидланишича, «Ўзбекнефтгаз» АЖга тегишли АЁҚШларда сўнгги кунларда бензин тақчиллиги кузатилгани сабабли интернет ижтимоий тармоқларида танқидий муҳокамалар бўлган. Бензин тақчиллигининг олдини олиш учун АЖ ва «Товар-хом ашё» биржаси ҳамкорлигида чора-тадбир ишлаб чиқилган.

Натижада АЖга қарашли АЁҚШларда 26 ноябрь, жума куни соат 20:00 дан буён Аи-80 маркадаги бензин 6890 сўмдан сотувга чиқариладиган бўлди.

Республика ҳудудидаги «Ўзбекнефтгаз» АЖнинг барча АЁҚШларида бензин бўлиши таъминланади.

Аввалроқ Ўзбекистонда 10–15 кун ичида бензин нархи ўзгариши маълум қилинганди. Шунингдек, Аи-80 маркали бензин нархи йил бошидан бери қанчага ўсгани маълум бўлган.