Янгиликлар - 14:33 · 27.11.2021

«Толибон» Ўзбекистон ва Тожикистон ёрдамига боғлиқ бўлмаган ҳарбий ҳаво кучларини тузади

«Толибон» ҳаракати Ўзбекистон ва Тожикистон, шунингдек, яна бир нечта давлатлар ёрдамига боғлиқ бўлмаган ҳарбий ҳаво кучларини тузиши маълум қилинди. Бу ҳақда «Sputnik Афғонистон» хабар берди.

Фото: «Financial Times»

Маълум қилинишича, таъкидланган давлатлар орасида АҚШ, Ҳиндистон, Покистон ҳамда Эрон ҳам бор.
«Ушбу ҳарбий ҳаво кучлари аввалги ҳукуматнинг ҳарбий-ҳаво кучларидан фарқ қилади», — дейди мудофаа вазири мулла Муҳаммад Ёқуб.

Маълумот ўрнида, «Толибон» ҳаракати Афғонистонда мунтазам армия тузиши хабар берилганди. Маълум қилинишича, мамлакатда мунтазам армия тузиш бўйича маслаҳатлашувлар давом этмоқда. «Толибон» ҳаракати жангчилари Афғонистоннинг деярли барча ҳудудларини назорат остига олган. Ҳозирда қаршилик кучлари ва ҳаракат жангчилари ўртасида тўқнашувлар бўлиб ўтмоқда. Маҳаллий аҳоли «Толибон» ҳукмронлигини тан олишдан бош тортмоқда.

Шунингдек, Афғонистонда «Толибон» ҳаракати ҳукмронлиги узоқ давом этмаслиги айтилганди. Жумладан, Панжшер қаршилик кучларидан ташқари яна бир «Миллий озодлик фронти» борлиги маълум бўлганди. Шунингдек, Панжшердаги вазият айни пайтда қандай экани тўғрисида маълумот берилганди. Унга кўра, «Толибон» ҳаракати ва миллий қаршилик кучлари ўртасидаги муваффақиятсиз музокаралар оқибатида очлик хавфи остида қолган маҳаллий аҳоли оммавий равишда вилоятдан қочишга ҳаракат қилаётгани ва ҳаракат аъзолари бунинг учун уларга уч кун вақт бергани айтилган. Ҳамда Панжшер аҳолиси айни пайтда қандай яшаётгани тасвирланган сурат эълон қилинганди.