NASA декабрь ойи охирида Ерга Вашингтон монументи ўлчамдаги катта астероид яқинлашиши, у сайёра билан тўқнашса, атом бомбасидан кўра кўпроқ ҳалокатга олиб келишини маълум қилди. Бу ҳақда «National Geography» хабар берди.

Маълум қилинишича, «2018 AH» деб номланувчи бу астероиднинг диаметри тахминан 190 метр катталикда бўлиб, 27 декабрь куни Ерга яқин масофадан ўтиб кетиши айтилган. Астероиднинг сайёрага яқинлашиши номаълум ва у 4,5 миллион километрдан ортиқ масофани босиб ўтади. Таққослаш учун, Ер ва Ой орасидаги масофа тахминан 384 минг километрни ташкил қилади.

Мазкур астероид сўнгги марта Ер ёнидан 296 минг 758 километр масофада учиб ўтган, бу Ойдан Ерга яқинроқ масофани ангалатади. Космик жисм хира бўлгани сабабли унинг учиб ўтгани олимлар эътиборидан четда қолган. NASA маълумотларига кўра, диаметри 140 метр ва ундан ортиқ бўлган ҳар қандай астероид Ерга тушса, у ҳалокатли оқибатларга олиб келади.

Аввалроқ Ерга «Лондон чархпалаги»дан каттароқ астероид яқинлашиши маълум қилинганди. Шунингдек, Ер учун хавфли астероидни йўқ қилиш усули аниқлангани ҳақида хабар берилган.