Буюк Британия қироличаси Елизавета II’нинг расмий вакили Эндрю Макфарлейн унинг эҳтиёткорлик билан қўриқланадиган Лондондаги сейфида нималар борлигини очиқлади. Бу ҳақда «People» хабар берди.

Макфарлейннинг сўзларига кўра, қироллик оиласи аъзоларининг тор доирасига кириши чекланган сейфда қиролича ва қариндошларининг расман тасдиқланган васиятномалари мавжуд. Сейфдаги муҳрланган конвертларда 30 дан ортиқ ҳужжат бўлиб, Виндзор оиласининг аъзоларидан бирортаси вафот этгандан сўнг унинг васиятномаси ошкора бўлади ва унга алоқадор конверт сейфда сақланмайди.

Эслатиб ўтамиз, қиролича Елизавета II антихакерлик шифрланган Samsung русумли телефон тутиши маълум қилинганди. Мобил қурилма қироллик оиласи билан мулоқот қилиш учун мўлжалланган. Қироличага фақат икки абонент исталган вақтда қўнғироқ қилиши мумкин. Елизавета II уларнинг қўнғироғига доимо жавоб беради ва ўзи ҳам уларга тез-тез қўнғироқ қилиб туради. «Бу унинг қизи малика Анна ва унинг менежери Жон Уоррен», — деган қироллик мутахассиси Жонатан Сакердоти.

Аввалроқ Елизавета II‘нинг энг севимли машғулоти маълум қилинганди. Шунингдек, қиролича яширин ерости йўлагидан фойдаланиши ҳақида хабар берилган.