Туркманистон президентининг рафиқаси 15 йил ичида биринчи марта кўриниш берди — фото
У Туркия президенти ва рафикаси билан суратга тушган
Туркманистон президенти Гурбангули Бердимуҳамедов раҳбарлигининг 15 йилида биринчи марта унинг рафиқаси Огулгерек Атаевна Бердимуҳамедова қандай кўринишга эга экани маълум бўлди. Бу ҳақда «Turkmen News» хабар берди.
Маълум қилинишича, Туркманистоннинг биринчи хоними Туркия президенти Эрдўғон ва унинг рафиқаси билан бирга суратга тушган. Эрдўғон Иқтисодий ҳамкорлик ташкилотининг 15-саммити учун Туркманистоннинг Ашхобод шаҳрига ташриф буюрган.
Ўз навбатида, Туркманистон президенти Гурбангули Бердимуҳамедов Туркия раҳбари Ражаб Тоййиб Эрдўғонни «Ҳамкорлик ривожига қўшган ҳиссаси учун» ордени билан тақдирлаган.
Аввалроқ Туркманистонда президент шарафига 2022 йил шиори танланганди. Шунингдек, Гурбангули Бердимуҳамедов Қозоғистон президентига зотдор от совға қилганди.
