Ўзбекистонда онлайн аукцион орқали бир ҳафтада 6,9 миллиард сўмлик авторақамлар сотилди. Бу ҳақда «Review» хабар қилди.

Маълумотга кўра, ўтган ҳафтада очиқ биржа савдолари орқали жами 2 миллиард 368,4 миллион сўмлик товар ресурслари сотилган.

Бунда сотувларнинг:

• 90,1 фоизи — биржа савдолари;
• 0,3 фоизи — кўргазма-ярмарка савдолари;
• 9,3 фоизи — электрон давлат харидлари
• 0,3 фоизи — авторақамларнинг онлайн-аукционига тўғри келди.

Кўриб чиқилаётган давр мобайнида онлайн аукцион орқали 2697 та авторақам сотилди, сотилган давлат рақам белгиларининг умумий суммаси 6,9 миллиард сўмни ташкил қилди.

Рақобатли савдолар натижасида битимларнинг:

• 6,9 фоизи — биринчи тоифадаги авторақамларга;
• 12,5 фоизи — иккинчи;
• 11,2 фоизи — учинчи;
• 14,3 фоизи — тўртинчи;
• 18,4 фоизи — бешинчи;
• 36,8 фоизи — олтинчи тоифа авторақамларга тегишлидир.

Аввалроқ Ўзбекистонда электромобиллар учун алоҳида давлат рақами бериш бошлангани ҳақида хабар берилганди. Шунингдек, мамлакатда энг қиммат «чиройли» авторақам қанчага сотилгани маълум бўлган.