Янгиликлар - 10:14 · 29.11.2021

Сирдарё вилояти раҳбари 9 нафар ҳокимни қатъий огоҳлантирди

Сирдарё вилояти ҳокими Ғофур Мирзаев томонидан тўққиз нафар туман ва шаҳар ҳокимлари йўл қўйган камчиликлари сабаб қатъий огоҳлантирилди.

Фото: ЎзА

Маълум бўлишича, вилоят ҳокимлиги бошқарув аппаратида ижро интизоми масалаларига бағишланган йиғилиш ўтказилган. Унда:
  • Гулистон шаҳар ҳокими Тўлқин Дадабоев;
  • Ширин шаҳар ҳокими Сарвар Султонов;
  • Янгиер шаҳар ҳокими Элёр Хўжаев;
  • Боёвут тумани ҳокими Дилфуза Уралова;
  • Сардоба тумани ҳокими Абдуазим Хидиров;
  • Оқолтин тумани ҳокими Дилмурод Фозилов;
  • Мирзаобод тумани ҳокими Жонибек Яриев;
  • Сайхунобод тумани ҳокими Фаррух Ўктамжонов;
  • Сирдарё тумани ҳокими Ботир Мирзақулов мурожаатлар билан ишлашда камчиликларга йўл қўйгани айтилган.

Шу билан бирга, улар ишонч телефонлари иш фаолиятини йўлга қўймагани сабабли қатъий огоҳлантирилган.

Аввалроқ Сирдарё вилоятининг 5 та туман ва 2 та шаҳар ҳокимларига нисбатан ҳайфсан интизомий жазо чораси қўлланилгани хабар қилинган. Шунингдек, соғлиқни сақлаш вазири 5 та вилоят ССБ бошлиғига ҳайфсан бергани маълум бўлган.