Янгиликлар - 11:09 · 30.11.2021

«UzAuto Motors» етказиб бериши тўхтатилган «Captiva-5» учун қанча компенсация тўлаши маълум бўлди

«UzAuto Motors» «Captiva-5» автомобилларини етказиб беришни тўхтатгани хабар қилинганди. Компания ахборот хизмати автомобиль бўйича бекор қилинган шартномалар учун қанча компенсация тўлашини маълум қилди.

Фото: «autostrada»

Қайд этилишича, мижоз мурожаатидан кейин 3 кун ичида тузилган шартномалар бўйича тўланган барча маблағ тўлиқ қайтарилади. Шунингдек, қўшимча равишда олдиндан тўлов суммасининг 5 фоизи компенсация сифатида тақдим этилиши айтилган.

«Captiva-5» бўйича жами 461 мижознинг шартнома пули тўланган бўлиб, ҳозирда уларнинг 207 нафари бошқа машина олишга қарор қилган. Шу билан бирга, 161 нафар харидор тўланган пулни қайтариб олган ҳамда 41 мижоз компенсация сифатида тақдим этилган 5 фоизлик тўлов суммасини олган.

Аввалроқ «UzAuto Motors» «Spark» автомобилини сотишни тўхтатмаслигини маълум қилганди. Шунингдек, компанияга янги бош директор тайинланган.