Жанубий Африка шифокорлари қуруқ йўтал, иситма ва тунда терлашни «омикрон» штамининг янги аломатлари деб атади. Бу ҳақда «Bloomberg»га таяниб, «Sputnik» хабар берди.

Маълум қилинишича, касаллик жуда енгил шаклда намоён бўлади, бироқ бу ҳақда хулоса қилишга ҳали эрта. Шифокорлар коронавируснинг бу турига чалинганлар томоқ оғриғи, юрак уриш тезлигининг ошиши, чарчоқ, тана ва бош оғриғидан шикоят қилган.

Мутахассисларнинг фикрича, «омикрон» белгилари коронавируснинг «дельта» туридан фарқ қилади. Жумладан, беморлар ҳид ва таъм билишни йўқотмайди.

Эслатиб ўтамиз, АҚШнинг юқумли касалликлар бўйича бош инфекционисти Энтони Фаучи қайта эмланиш коронавируснинг «омикрон» штамидан энг ишончли ҳимояни таъминлашини айтганди. ЖССТ «омикрон» штамини «хавотирга сабаб бўлаётган штамлар» рўйхатига киритган. Мутахассисларнинг тахминига кўра, у бошқаларга қараганда кўпроқ юқумли бўлиши мумкин. бу штамм биринчи марта Жанубий Африкада рўйхатга олинган. Ҳозир вирус Европа бўйлаб тарқалмоқда.

Унинг фикрича, янги штамнинг юқумлилик, хавфлилик ҳамда бошқа хусусиятлари ҳақида аниқроқ маълумот олиш учун тахминан 2 ҳафта вақт кетади.

Аввалроқ Хитойлик олимлар «омикрон» штамининг 3 та энг хавфли хусусиятини маълум қилганди. Шунингдек, италиялик олимлар унинг илк суратини кўрсатганди.