Алишер Усмонов 2021 йил бошидан буён қанчага бойигани маълум қилинди. Бу ҳақда «РИА Новости» хабар берди.

Маълум қилинишича, Россиядаги энг бадавлат кишиларнинг умумий бойлиги 2021 йил январь ойидан бери қарийб 38 миллиард долларга ошган. Унга кўра, бойлиги 310 миллион долларга кўпайган Алишер Усмонов рейтингда 6-ўринни эгаллаган. Ҳозирда унинг бойлиги умумий ҳисобда 21,4 миллирд долларни ташкил этади

Энг сезиларли ўсиш кўрсаткичи «Новатек» компаниясининг ҳаммуаллифи Леонид Михелсонда қайд этилган — у 6 миллиардга бойиб, 30,8 миллиард доллар маблағ билан 1-ўринни эгаллаган.

Иккинчи ўринда бойлиги, 21 миллион долларга ошган Владимир Потанин, учинчи ўринда эса 4,18 миллиард долларга бойиган Алексей Мордашов қайд этилган. Тўртинчи ва бешинчи ўриндан мос равишда бойлиги 3,12 миллиард доллар ҳамда 4,3 миллиард долларга ошган Вагит Алекперов ва Владимир Лисин жой олган.

Аввалроқ АҚШ сенаторлари Алишер Усмоновга қарши санкция эълон қилишга чақиргани ҳақида хабар берилганди. Шунингдек, Алишер Усмонов Ўзбекистонда қандай соҳаларга сармоя киритиш кераклигини айтгани маълум қилинган.