Қорақалпоғистон Вазирлар Кенгаши 22 ноябрь куни 398 миллион сўмга «Trailblazer Ltz-At» автомобилини харид қилди. Бу харидга Telegram’даги «Davletovuz» канали эътибор қаратган.

Скриншот: Давлат харидлари портали

Бундан ташқари, Сурхондарё вилояти ҳокими биринчи ўринбосари Ф.Маманов Бойсун тумани ҳокимлиги балансида турган, 2013 йилда ишлаб чиқарилган ҳамда техник носоз бўлган «Captiva-2» русумидаги хизмат автомобилининг электрон аукцион орқали сотилиши ва янги хизмат машинаси олинишига эътирози йўқлигини билдирган.

Лекин вилоят ҳокими биринчи ўринбосарининг кўрсатмасига қарамай, Бойсун тумани А.Жўраев фармойиши билан мазкур «Captiva» оператив бошқарув ҳуқуқи билан бепул Бойсун тумани прокуратурасига ўтказиб берилиб, ашина электрон аукционга қўйилмаган.

Бойсун тумани ҳокими ҳам 2021 йил ноябрь ойида 398 миллион сўмга «Trailblazer Ltz-At» хизмат автомашинасини харид қилиш учун шартнома тузган. Ҳукумат қарорига кўра, туман ҳокимлари хизмат машиналари нархлари базавий ҳисоблашнинг 1000 бараваридан, двигатель энг юқори қуввати 2000 сантиметр кубдан ошмаслиги келтирилган. Агар туман тоғли ҳудуд бўлса, бу қувватни 3000 сантиметр кубгача оширишга рухсат берилиши мумкин. Базавий ҳисоблаш миқдорининг истисно чегараси кўрсатилмаган.

Мавзуга доир: