Навоийда қарама-қарши йўналишга чиқиб кетган «Damas» юк машинаси билан тўқнашди — видео
Навоий вилояти Конимех туманида 7 декабрь куни қарама-қарши йўналишга чиқиб кетган «Damas» юк машинаси билан тўқнашди. Бу ҳақда вилоят Ички ишлар бошқармаси ахборот хизмати «Bugun.uz»га хабар берди.
Маълум бўлишича, туман ҳудудидан ўтган автомобиль йўлида «Damas» Зарафшон–Навоий йўналиши бўйлаб ҳаракатланаётиб, қарама-қарши йўналишга чиқиб кетган ва юк машинасига урилган.
Оқибатда «Damas» автомобили ҳайдовчиси ва бир нафар йўловчи ҳалок бўлган. Ҳозирда мазкур ҳолат юзасидан тергов ҳаракатлари олиб борилмоқда.
Аввалроқ Сурхондарёда қарама-қарши йўналишга чиқиб кетган «Spark» «Cobalt» билан тўқнашгани маълум қилинганди. Шунингдек, Қашқадарёда ЙПХ машинаси «Damas» билан тўқнашиб кетгани ҳақида хабар берилган.
