Самарқанд халқаро аэропорти 10 декабрдан минтақавий ва халқаро рейсларга хизмат кўрсатишни бошлагани ҳақида хабар берилганди. «Uzbekistan Airways» АЖ 17 декабрдан бошлаб қатор йўналишларда парвозлар йўлга қўйилишини маълум қилди.

Фото: «Bugun.uz»

Маълумотга кўра, Самарқанд ҳалқаро аэропорти очилиши муносабати билан АЖ 17 декабрдан бошлаб қуйидаги қатновларни тиклайди:

  • Самарқанд–Москва–Самарқанд;
  • Самарқанд–Истанбул–Самарқанд;
  • Самарқанд–Олмаота–Самарқанд;
  • Самарқанд–Санкт-Петербург–Самарқанд.

Авиачипталарни авиакомпаниянинг расмий сайтидан, «Uzbekistan Airways Sales» филиалидан ёки авиакомпания агентларидан харид қилиб олиш мумкин.

Аввалроқ Самарқанд аэропортининг ёпилиши декабрь ойи ўрталаригача узайтирилгани ҳақида маълумот берилганди. Эслатиб ўтамиз, Самарқандда янги аэродром мажмуаси 2022 йилда бўлиб ўтадиган ШҲТ саммитига тайёргарлик доирасида ташкил этилган.