Тошкент вилояти Зангиота туманида 18 ноябрь куни «Matiz» қарама-қарши йўналишдаги 2 машинага урилди. Бу ҳақда Ички ишлар вазирлиги ахборот хизмати хабар берди.

Кадр: Telegram/ @iivuz

Маълум бўлишича, туманнинг ички йўлида «Matiz» автомобили қарама-қарши йўналишда келаётган «Spark» ва бошқа бир «Matiz»га урилган. Ҳодиса содир бўлганда қоидабузар ҳайдовчи спиртли ичимлик истеъмол қилгани аниқланган.

Ҳолат юзасидан тегишли ҳужжатлар расмийлаштирилган. Шунингдек, туман ички ишлар бўлими суриштирув ишларини олиб борган.

Аввалроқ Навоийда қарама-қарши йўналишга чиқиб кетган «Damas» юк машинаси билан тўқнашгани хабар қилинганди. Оқибатда «Damas» автомобили ҳайдовчиси ва бир нафар йўловчи ҳалок бўлган.