Россиялик шифокор ковиддан тузалганларда кузатиладиган хавфли аломатдан огоҳлантирди

Россиялик шифокор Александр Мясников вирусли инфекциядан кейин нафас қисилиши ва юрак уриши билан боғлиқ муаммонинг юзага келиши миокардит ривожланишни кўрсатиши мумкинлигини айтди. Бу ҳақда «Gazeta.ru» хабар берди.

Фото: «РИА Новости»

Мясниковнинг сўзларига кўра, нафас қисилишининг юзага келишига грипп, коронавирус, гепатит-С, шунингдек, энтеро ва герповируслар сабаб бўлади. «Агар касалликдан кейин бироз вақт ўтгач, сиз заифлик, нафас қисилиши, шунингдек, юрак уриши билан боғлиқ муаммони ҳис қилсангиз, бу миокардит бўлиши мумкин», — дейди Мясников.

Шифокорнинг таъкидлашича, 90 фоиз ҳолларда бу аломатлар ўз-ўзидан йўқолади. Аммо шу билан бирга, мутахассислар билан боғланиш ва даволанишни талаб қиладиган жиддий патологияларнинг ҳам ривожланиш хавфи мавжуд.

Маълумот ўрнида, миокардит юрак мушаклари (миокард)нинг яллиғланиши бўлиб, одатда юрак фаолияти етишмовчилигига олиб келиши мумкин. Миокардитга, кўпинча ўткир инфекцион касалликлар (дифтерия, ич терлама, ангина, скарлатина, сепсис, грипп), сурункали инфекциялар (сил, заҳм) сабаб бўлиб, асосида аллергик ўзгаришлар ётади. Миокардитнинг ўткир, ўртача ёки сурункали, шунингдек, юқумли аллергик (масалан, рематизмда, скарлатинада) хили фарқ қилинади.

Аввалроқ ЖССТ коронавируснинг одамларга юқиши билан боғлиқ янги тахминни илгари сурганди. Шунингдек, ЖССТ коронавирусга қарши 3 та янги дорини синовдан ўтказишни бошлаганди.

Кўп ўқилган

Бошқа лойиҳаларимиз