Янгиликлар - 19:16 · 12.12.2021

Тошкентда 8 та автомобиль иштирокида ЙТҲ бўлди — видео

Тошкент шаҳар Чилонзор туманида 12 декабрь куни 8 та автомобиль иштирокида йўл-транспорт ҳодисаси содир бўлди. Пойтахт Ички ишлар бош бошқармаси ҳолат юзасидан маълумот берди.

Фото: Тошкент шаҳар ИИББ ахборот хизмати

Қайд этилишича, Дўмбиробод чорраҳасида 70-сон маршрут бўйича ҳаракатланувчи «Isuzu» автобуси ҳайдовчиси бошқарувни йўқотиб, бир нечта автомобилга урилган.

Фото: Тошкент шаҳар ИИББ ахборот хизмати

Хусусан, автобус «Labo», «Spark», «Nexia-3», 2 та «Matiz», «Lacetti» ва «Nexia-2» автомобилларининг тўқнашувига сабабчи бўлган.

Тўқнашув оқибатида автобус йўловчиси ва «Labo» ҳайдовчисига бадан шикасти етган. Уларга тиббий ёрдам кўрсатилган.

Фото: Тошкент шаҳар ИИББ ахборот хизмати
Фото: Тошкент шаҳар ИИББ ахборот хизмати

Мазкур факт бўйича Тошкент шаҳар ИИББ ходимлари томонидан терговолди текшируви ўтказилмоқда.

Аввалроқ Тошкент вилоятида 5 та машина иштирокида тўқнашув содир бўлгани ҳақида хабар берилганди. Шунингдек, пойтахтда ҳам 5 та автомобиль иштирокида тўқнашув содир бўлгани маълум қилинган.