Ерни кучли магнит бўронлари қоплайди

Олимлар Ерни кучли магнит бўронлари қоплаши ҳақида огоҳлантирди. Бу ҳақда «Cursorinfo» хабар берди.

Маълум қилинишича, бунинг оқибатида сурункали касалликларга чалинганлар ва кекса одамлар саломатлигида ўзгариш кузатилади. Мутахассислар биринчи магнит бўрони 13 декабрь, куни содир бўлишини таҳмин қилган. Навбатдаги бўрон бешинчи даражага етиши ва у 17 декабрь, жума куни кузатилиши айтилган. Бўроннинг кучлилик даражаси фақат 19 декабрь, якшанба куни пасайиши қайд этилган.

Магнит бўронлар таъсирида пайдо бўладиган аломатларга қуйидагилар киритилган:

• бош оғриғи;
• бош айланиши;
• апатия;
• диққатни жамлашнинг пасайиши;
• уйқусизлик;
• асабийлашиш.

Шифокорлар жисмоний фаолият миқдорини камайтиришни маслаҳат берган, оғир ҳиссий стрессга тушмасликка чақирган.

Аввалроқ олимлар Қуёшда кучли чақнаш содир бўлганини маълум қилганди.

“Bugun.uz” янгиликларини “Telegram”да кузатиб боринг