«Омикрон» штами биринчи аниқланган Жанубий Африка президенти коронавирусга чалинди

Коронавируснинг «омикрон» штами биринчи аниқланган Жанубий Африка президенти Сирил Рамафоса коронавирусга чалинди. Бу ҳақда президент девонининг матбуот хизмати хабар берди.

Фото: «Reuters»

Маълум қилинишича, 69 ёшли Рамафоса Кейптаундаги тадбирда қатнашганидан кейин ўзини ёмон ҳис қила бошлаган.

«Президент коронавирус инфекцияси аниқланганидан кейин даволанмоқда. Ҳозирда у яхши кайфиятда ва Жанубий Африка мудофаа кучлари ҳарбий тиббий хизмати мутахассислари назоратида», дейилади хабарда.

Матбуот хизматининг аниқлик киритишича, президент коронавирусга қарши эмлашнинг тўлиқ курсини якунлаган бўлиб, касаллик айни пайтда енгил ўтмоқда. Давлат раҳбари ўз ваколатларини вице-президент Дэвид Мабузага топширган.

Маълумот ўрнида, 2021 йил ноябрь ойи охирида Жанубий Африка ва Ботсванада «омикрон» штами билан касалланишнинг илк ҳолатлари аниқланган. Жанубий Африкадаги Инновациялар ва эпидемияга қарши кураш маркази директори Тулио де Оливейранинг таъкидлашича, ноябрь ойининг охирига келиб, Жанубий Африканинг Гаутенг провинциясида, жумладан, Йоханнесбургда қайд этилган коронавирус билан боғлиқ янги ҳолатларнинг қарийб 90 фоизи янги штамм туфайли юзага келган.

Аввалроқ Покистон президенти вакцина билан эмланганидан сўнг коронавирусга чалингани хабар қилинганди. Шунингдек, коронавирус борлигига ишонмаган Танзания президенти вафот этгани маълум қилинган ҳамда коронавирусга қарши эмланган дунё мамлакатлари раҳбарлари ҳақида хабар берилганди.

Ерни кетма-кет магнит бўронлари қоплайди
Жаҳон17:24 | 15.8.22
Ерни кетма-кет магнит бўронлари қоплайди
Ўзбекистонда жазони ижро этиш тизими ходимлари бодикамералар билан таъминланади
Жамият16:57 | 15.8.22
Ўзбекистонда жазони ижро этиш тизими ходимлари бодикамералар билан таъминланади
Ўзбекистонга хориждан ўқишни кўчириш бўйича аризаларни таҳрирлаш учун қўшимча муддат берилди
Илм-фан16:33 | 15.8.22
Ўзбекистонга хориждан ўқишни кўчириш бўйича аризаларни таҳрирлаш учун қўшимча муддат берилди
Шавкат Мирзиёев Ҳиндистон президентини табриклади
Жамият15:59 | 15.8.22
Шавкат Мирзиёев Ҳиндистон президентини табриклади
Наманганда темир йўлда ухлаб ётган эркакни поезд босиб кетди — видео
Жамият, Наманган15:47 | 15.8.22
Наманганда темир йўлда ухлаб ётган эркакни поезд босиб кетди — видео
Тошкент метросининг «Ерусти ҳалқа йўли» йўналишида ҳаракат вақти ўзгаради
Жамият, Тошкент ш.15:24 | 15.8.22
Тошкент метросининг «Ерусти ҳалқа йўли» йўналишида ҳаракат вақти ўзгаради