Тошкент вилояти Оҳангарон туманида 13 декабрь куни «Isuzu» юк машинаси йўл четига ағдарилиб кетди. Бу ҳақда Фавқулодда вазиятлар вазирлиги ахборот хизмати хабар берди.

Фото: Фавқулодда вазиятлар вазирлиги ахборот хизмати

Маълум бўлишича, ҳодиса туман ҳудудидан ўтган А-373 автомобиль йўлининг 32-километрида содир бўлган. Ҳайдовчининг кутилмаганда бошқарувни йўқотиши оқибатида Фарғона водийси томон кетаётган «Isuzu» йўл четига ағдарилиб кетган. 

Бир неча дақиқадан сўнг воқеа жойига вазирлик қутқарувчилари ва Йўл ҳаракати хавфсизлиги ходимлари етиб келиб, йўл-транспорт ҳодисаси оқибатларини ҳамкорликда бартараф этган. Юк машинаси ҳайдовчиси жиддий жароҳат олмаганлиги сабабли касалхонага юборилмаган.

Аввалроқ Қашқадарёда «Жигули» билан тўқнашган йўловчи автобуси ағдарилиб кетгани ҳақида хабар берилганди.