Қашқадарё вилояти Косон туманида 5 декабрь куни хотини томонидан пичоқланган эркак пичоқланди. Бу ҳақда вилоят Ички ишлар бошқармаси ахборот хизмати хабар берди.

Фото: Қашқадарё вилояти Ички ишлар бошқармаси ахборот хизмати

Маълум бўлишича, Қорабайир маҳалласида яшовчи Э.Ж. маст ҳолатда турмуш ўртоғи М.Х.ни ҳақоратлаб, уриб-тепиб, томоқ соҳасидан бўғган.

Чорасиз қолган аёл эрини қўлидан чиқишга ҳаракат қилган, кучи етмагани сабабли ёнида сават устида турган ошхона пичоғини олиб, турмуш ўртоғининг чап қўлтиқ ости соҳасига бир марта санчиб олган. Оқибатда эр Э.Ж. олган оғир тан жароҳати туфайли вафот этган.

Мазкур ҳолат юзасидан туман прокуратураси томонидан М.Х.га нисбатан жиноят иши қўзғатилиб, тергов ҳаракатлари олиб борилмоқда.

Аввалроқ Фарғона вилояти Бувайда туманида маст эркак хотинини пичоқлаб ўлдиргани ҳақида хабар берилганди. Шунингдек, Қашқадарё вилояти Яккабоғ туманида хотинини маст ҳолда уриб ўлдирган эркак қамоққа олингани хабар қилинган.