NATO Россия билан мулоқотга киришиш шартларини маълум қилди

NATO бош котиби Йенс Столтенберг ташкилотнинг Россия билан мулоқотга киришиш шартларини маълум қилди. Бу ҳақда «Европейская правда» хабар берди.

Фото: «Global Look Press»

Маълум қилинишича, NATO Россиянинг «хавфсизлик кафолатлари» ҳақидаги талабларини Украинани ташкилотга қабул қилмаслик таклифи билан олган. «Биз Россиядан янги таклифлар олдик», — деган Столтенберг.

Унинг сўзларига кўра, NATO бу масала бўйича Россия билан мулоқот қилиш имкониятини кўриб чиқмоқда, бироқ ҳар қандай мулоқотда Альянс хавотирлари ва Украина позицияси инобатга олиниши керак.

«Биз Россия билан ҳар қандай мулоқот NATO’нинг Россия ҳаракатларига оид хавотирлари инобатга олиниши, Европа хавфсизлигининг асосий тамойиллари ва ҳужжатларига асосланиши ҳамда ташкилотнинг Украина каби Европа ҳамкорлари билан маслаҳатлашувлар асосида ўтказилиши керак деб ўйлаймиз», — дея қўшимча қилган Столтенберг.

Унинг таъкидлашича, NATO иттифоқчилари агар Россия кескинликни пасайтириш бўйича чоралар кўрса, альянс «ишончни мустаҳкамлаш чоралари» устида ишлашга тайёр. Шу билан бирга, Украинага қарши ҳар қандай кейинги тажовуз жуда катта оқибатларга олиб келади ва Россияга қимматга тушади.

«Биз Украинанинг ҳудудий яхлитлиги ва суверенитетини қўллаб-қувватлашимизни яна бир бор тасдиқлаймиз. NATO’нинг Украина билан муносабатлари фақат Украина ва NATO бўйича 30 иттифоқчининг иши», — дея хулоса қилган Столтенберг.

Аввалроқ Россия Украинага қачон ҳужум қилиши айтилганди. Шунингдек, Зеленскийнинг идораси Россия билан алоқалар ҳақида маълумот берганди.

Кўп ўқилган

Бошқа лойиҳаларимиз