Бухорода светофорнинг қизил чироғида тўхтамасдан ҳаракатланган автобус ҳайдовчиси видеоси ижтимоий тармоқда тарқалди. Йўл ҳаракати хавфсизлиги бош бошқармаси ахборот хизмати ҳолат юзасидан маълумот берди.

Фото: Йўл ҳаракати хавфсизлиги бош бошқармаси ахборот хизмати

Қайд этилишича, йўл ҳаракати қоидаларининг 31-банди талабини четлаб ўтган «80756УАА» давлат рақам белгили автобус ҳайдовчисига нисбатан маъмурий баённома расмийлаштирилган ҳамда ҳайдовчига тушунтириш ишлари олиб борилган.

Аввалроқ Тошкент шаҳрида йўловчи автобуси эшигига полиэтилен пакет ёпилган ҳолда ҳаракатлангани ҳақида хабар берилганди. Маълум бўлишича, автобус ҳайдовчиси О.М. салондаги йўловчиларга совуқ ҳаво урмаслиги учун синган эшик ойнасини ҳодиса жойида полиэтилен пакет билан ёпган.