Зафарободда алиментдан қарздор бўлган ота 22 млн сўм фарзанди вояга етгунга қадар бўлган алимент пулларини олдиндан тўлаб берди. Бу ҳақда МИБ ахборот хизмати «Bugun.uz»га хабар берди.

Фото: Мажбурий ижро бюроси ахборот хизмати

Мажбурий ижро бюроси органлари томонидан алимент тўловлари бўйича қарздорларнинг масъулиятини ошириш борасида тарғибот тадбирлари амалга оширилмоқда. Бу эса ўз самарасини бермоқда.

Фуқаролик ишлари бўйича Дўстлик туманлараро судининг 04.04.2009 йил кунги ижро варақасига асосан қарздор Б.Хакимовдан ундирувчи З.Нишонованинг фойдасига 1 нафар фарзанди моддий таъминоти учун тўртдан бир қисм миқдорида алимент ундириш белгиланган.

Олиб борилган тарғибот тадбирлари самара бериб, қарздор ота олдиндан фарзанди вояга етгунга қадар бўлган 22 млн сўм алимент пулларини ундирувчи З.Нишоновага тўлиқ тўлаб берди.
Шундан сунг алимент ундириш тўғрисидаги ижро хужжати амалддаги Қонуннинг 41-моддаси 1-бандига асосан амалда тамомланди.