Самарқанд шаҳри ҳокими Бобурмирзо Облақулов 20 декабрь куни Ободонлаштириш бошқармаси бошлиғи Отабек Абдуллаевни вазифасидан озод қилди. Бу ҳақдаги хабарни шаҳар ҳокимлиги матбуот хизмати «Bugun.uz»га тасдиқлади.

Фото: Самарқанд шаҳар ободонлаштириш бошқармаси

Маълум қилинишича, бу бўйича ҳоким фармойиши мавжуд ва яқин соатларда Маҳаллий ижро этувчи ҳокимият органлари томонидан қабул қилинадиган қарорларни ишлаб чиқиш, кeлишиш ва рўйхатдан ўтказишнинг ягона элeктрон тизимида ҳам бўшатиш ҳақида фармон пайдо бўлади. Ушбу фармойиш шаҳардаги арча ўрнатилиши билан боғлиқ экани маълум эмас.

Кадр: Telegram

Лекин бир неча кундан буён Янги йил байрами муносабати билан шаҳарда ўрнатилган марказий арча тармоқларда жиддий муҳокамаларга сабаб бўлаётганди. Мазкур арчанинг шаҳардаги табиий арча дарахтлари буталари кесиб олиб безатилиши интернет фойдаланувчилари норозилигига сабаб бўлган.

Аввалроқ Самарқандда 4-синф ўқувчисини урган «замдиректор» ишдан бўшатилганди. Шунингдек, Фарғонада блогерларни ҳақорат қилган тиббиёт бирлашмаси бошлиғи ишдан бўшатилгани ҳақида хабар берилган.