Мадагаскар ҳукумати вазири қутқарув операцияси чоғида ўзи бўлган вертолёт денгизга қулаганидан сўнг 12 соатда қирғоққа сузиб борди. Бу ҳақда «BBC» хабар берди.

Маълум қилинишича, қутқарув вертолёти 20 декабрь куни кечқурун мамлакат шимоли-шарқида ҳалокатга учраган кемага ёрдам бериш учун борган. Аммо унинг ўзи ҳам ҳалокатга учраган. Вазир билан биргаликда яна бир хавфсизлик ходими тирик қолган. Кемада ҳалокатида нобуд бўлганлар сони 64 кишига етган, камида 20 киши бедарак йўқолган.

«Ҳозир ўладиган вақтим эмас», — дея маълум қилган 12 соатлик сузишдан сўнг чарчаган полиция вазири Серж Гелле қутқарувчиларга.

«Reuters» хабарига кўра, йўловчи ташиш лицензиясига эга бўлмаган юк кемаси ҳалокатга учраган. Бунга унинг бортида кўп юк бўлгани ва оқибатда двигателларнинг сувга тўлиб қолгани сабаб бўлган. Маълумотларга кўра, шу кунгача 45 киши қутқариб олинган.

Мадагаскар президенти Андри Радзуэлина Twitter’да қурбонларнинг оила аъзоларига ҳамдардлик билдирган, шунингдек, Гелле ва денгиз бўйидаги Маҳамбо шаҳрига мустақил равишда сузиб борган яна бир офицерни олқишлаган.

Маҳалллий полиция бўлими бошлиғи Зафисамбатра Равоавининг айтишича, Гелле вертолёт ўриндиқларидан бирини сузувчи кема сифатида ишлатган. Серж Гелле вазир этиб тайинланишидан олдин 30 йил давомида полицияда фаолият юритган.

Аввалроқ Япониянинг янги бош вазири Байден билан телефон орқали мулоқот қилганди. Шунингдек, Грецияда бортида Исроил собиқ амалдори бўлган самолёт ҳалокатга учраганди.