АОКАда 24 декабрь куни бўлиб ўтган матбуот анжуманида Мажбурий ижро бюроси томонидан 2021 йил якунига қадар қанча маблағ ундирилгани маълум қилинди. Бу ҳақда «Bugun.uz» мухбири хабар қилди.

Фото: «Bugun.uz»

Маълум қилинишича, 2021 йилнинг ўтган даври мобайнида бюро томонидан 21,7 триллион сўм маблағ ундирилган. Бу кўрсаткич ўтган йилнинг мос даврига нисбатан 92 фоизга яъни 10,4 триллион сўмга кўп экани айтилди.

Шунингдек, бюро ташкил топганидан бери (2017 йил) умумий 77 триллион сўм миқдорида, шундан 32 триллион сўми давлат фойдасига ундирилган. Келтирилишича, ўтган даврда қидирувда бўлган 4555 нафар шахс ва 3073 та автотранспорт воситаси топилгани ва қарздорлардан 16 миллиард сўмдан ортиқ қарздорлик ундирилгани таъкидланди.

Аввалроқ Шу кунга қадар МИБ томонидан 46 650 сохта доллар йўқ қилингани айтилганди. Шунингдек, МИБ 3 мингдан ортиқ қарздорни қидираётгани маълум бўлганди.