Туркия президенти Ражаб Тоййиб Эрдўғон Анқаранинг асосий мақсади дунёнинг топ ўнликдаги кучли иқтисодиётига кириш эканини қайд этди. Бу ҳақда «РИА Новости» хабар берди.

Эрдўғоннинг сўзларига кўра, мамлакатнинг иқтисодиётда босиб ўтган йўли ва ишлаб чиққан воситалари ёрдамида Туркия олдинга интилмоқда. «Иқтисодиётни тўхтаб қолган ғилдираклар остидан ва ишончсизлик механизмидан чиқариб ташладик. Бизнинг йўл — сармоя, бандлик, ишлаб чиқариш, экспорт ва ўсиш. Мақсадимиз эса дунёнинг энг кучли 10 иқтисодчи давлати сафига киришдир», — деган Туркия раҳбари.

Маълумот учун, Туркия молия тизими 2020 йил давомида лиранинг қадрсизланиши туфайли оғир кунларни бошдан кечирмоқда. Турк лираси Марказий банк ҳисоб ставкасини кетма-кет бир неча марта пасайтирганидан сўнг кескин қадрсизланди: 20 декабрь куни доллар курси рекорд даражадаги 18,4 лирага етган бўлса, январь ойида 7,4 лирани ташкил қилди. Эрдўғоннинг валюта курсининг ўзгарувчанлигига қарши курашиш бўйича янги чора-тадбирлар тўғрисидаги баёнотидан сўнг турк валютасининг пасайиши сезиларли ўсиш билан алмаштирилди, натижада лира сўнгги ҳафталардаги йўқотишларни қоплади. 28 декабрдаги доллар савдосида лира курси 11,8 га баҳоланмоқда.

Аввалроқ Эрдўғон Туркия ХХI асрнинг «ёрқин юлдузи»га айланаётганини айтганди ва у ўзини дунё етакчилари ичидаги энг тажрибали эканини маълум қилганди.