«Тошшаҳартрансхизмат» акциядорлик жамияти Янги йил байрами муносабати билан пойтахтда автобусларнинг иш графигида ўзгариш бўлишини эълон қилди.

Фото: «Bugun.uz»

Унга кўра, Янги йил байрами нишонланиши муносабати билан 2021 йил 31 декабрь, 2022 йил 1, 2, 3, 4 ва 8 январь кунлари жамоат транспортини ташкил этиш қуйидагича бўлади:

  • 2021 йил 31 декабрь — дам олиш куни. Шанба кунлари учун тасдиқланган жадвал асосида иш вақтининг тугаши 1 (бир) соатга узайтирилмоқда;
  • 2022 йил 1 январь — дам олиш куни. Якшанба кунлари учун тасдиқланган жадваллар сони 40 фоизга камайтирилган ҳолда ишга чиқарилиши режалаштирилган;
  • 2022 йил 2 январь — дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
  • 2022 йил 3 январь — дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
  • 2022 йил 4 январь — дам олиш куни. Якшанба кунлари учун тасдиқланган жадваллар бўйича ҳаракатланиш кўзда тутилган;
  • 2022 йил 8 январь — шанба, иш куни. Иш кунлари учун тасдиқланган жадваллар бўйича транспорт ҳаракатини давом эттириш белгилаб қўйилди.

Аввалроқ Янги йил арафасида барча йўловчи поездларига қўшимча вагон уланиши ҳақида хабар берилганди.