Ўзбекистонда 2021 йилнинг март ойидан бери ковидга чалиниш бўйича энг паст кунлик кўрсаткич қайд этилди. Бу ҳақда Соғлиқни сақлаш вазирлиги ахборот хизмати хабар берди.

Фото: «Kun.uz»

Маълум бўлишича, 1 январь куни 88 кишида коронавирус аниқланиб, беморлар сони 199 118 нафарга етди. Шунингдек, қуйида янги касалланиш ҳолатлари вилоятлар кесимида эълон қилинган:

  • 7 нафари — Андижон вилоятида;
  • 8 нафари — Бухоро вилоятида;
  • 3 нафари — Жиззах вилоятида;
  • 3 нафари — Наманган вилоятида;
  • 17 нафари — Самарқанд вилоятида;
  • 1 нафари — Сирдарё вилоятида;
  • 7 нафари — Фарғона вилоятида;
  • 9 нафари — Хоразм вилоятида;
  • 4 нафари — Тошкент вилоятида;
  • 29 нафари — Тошкент шаҳрида.

Аввалроқ Қорақалпоғистон Республикаси, Қашқадарё ва Сурхондарё вилоятларида 25 декабрь куни коронавирус билан касалланиш ҳолатлари аниқланмаганди.