Хитой раиси Си Цзиньпин 2 январь куни дипломатик алоқаларнинг 30 йиллиги муносабати билан Шавкат Мирзиёевга табрик йўллади. Бу ҳақда Президент матбуот хизмати хабар берди.

Фото: Президент матбуот хизмати

Хитой раиси дипломатик алоқаларнинг 30 йиллиги муносабати билан табриклар экан, Ўзбекистон халқига самимий табриклар ва энг эзгу тилакларини билдирди.

«Ҳурматли Президент жаноблари!

Хитой Халқ Республикаси ва Ўзбекистон Республикаси ўртасида дипломатик муносабатлар ўрнатилганининг 30 йиллиги муносабати билан Хитой ҳукумати ва халқи номидан ҳамда шахсан ўз номимдан cизга ва cиз орқали дўст Ўзбекистон халқига самимий табриклар ва энг эзгу тилакларимни билдиришга ижозат бергайсиз», — дейди Си Цзиньпин.

Шунингдек, у икки мамлакат ўртасидаги муносабатларга алоҳида тўхталиб, Шавкат Мирзиёевга муваффақиятлар ва мустаҳкам соғлиқ тилади.

Дипломатик муносабатлар ўрнатилганидан буён ўтган 30 йилда Хитой–Ўзбекистон алоқалари изчил ривожланиб, муваффақиятларга эришди ҳамда тинчлик-тотувлик ва ўзаро манфаатли ҳамкорлик руҳидаги давлатлараро муносабатларнинг ёрқин намунасига айланди. Хусусан, мамлакатларимиз ислоҳотлар, очиқлик, тараққиёт ва қайта тикланиш борасида бир-биридан ўрганмоқда ва тажриба алмашмоқда, коронавирус пандемиясига қарши курашишда саъй-ҳаракатларини бирлаштириб, ўзаро ёрдамлашмоқда, бу эса ҳар томонлама стратегик шериклигимизнинг моҳиятини тўлиқ акс эттиради.

Мен Хитой-Ўзбекистон муносабатларининг ривожига катта аҳамият қаратмоқдаман ҳамда дипломатик муносабатлар ўрнатилганининг 30 йиллигидан фойдаланиб, Сиз билан биргаликда мамлакатларимиз ва халқларимиз фаровонлиги йўлида ҳар томонлама стратегик шериклик муносабатларимиз тарихида янги саҳифа очиш мақсадида бор куч ва имкониятларни ишга солишга тайёрлигимини билдираман. Фаолиятингизга муваффақиятлар ва мустаҳкам соғлик тилайман. Дўст Ўзбекистонга равнақ ва куч-қудрат, унинг халқига бахт-саодат ва фаровонлик тилайман», — дея табригини якунлаган Хитой раиси.