Биринчи ва учинчи қон гуруҳига мансуб одамларда маълум антитаначалар борлиги сабабли улар ковидни енгил ўтказиши ёки хасталикка умуман чалинмаслиги мумкин. Бу ҳақда «Известия» хабар берди.

Фото: «РБК»

Келтирилишича, биология фанлари доктори, Жорж Мейсон университети (Виржиния, АҚШ) қошидаги тизимлар биологияси мактаби профессори Анча Баранова бу ҳақда маълумот берган. Профессор статистикага кўра, биринчи ва учинчи қон гуруҳидагилар инфекцияга камроқ чалинишини айтган.

«Биринчи ва учинчи қон гуруҳларида коронавирус антитаначасига ўхшаш антитанча мавжуд. Шунинг учун, бундай одам коронавирус инфекциясига дуч келганда, эмланмаган бўлса ҳам унинг антитаначаси вирусга қарши курашади. Бу ўз навбатида, хасталикка чалинганларда симптомларнинг енгил кечишига ҳам ёрдам беради. Агар инфекцияни юқтирганда вируснинг дозаси кичик бўлса, бемор касал бўлмаслиги ҳам мумкин», — деган Баранова.

Шунингдек, у биринчи ва учинчи қон гуруҳлари эгаларида касал бўлмаслик ёки инфекцияни юқтириш эҳтимоли тахминан 10 фоизга пастлигини таъкидлаган.

Аввалроқ коронавируснинг болаларда кузатиладиган энг хавфли аломатлари ва хитойлик олимлар ковид кимларда кўпинча аломатларсиз ўтишини аниқлагани маълум қилинган.