Урганч–Оқтов–Урганч йўналишида 5 январь куни амалга оширилиши керак бўлган авиақатнов бекор қилинди. Бу ҳақда «Uzbekistan Airways» АЖ ахборот хизмати хабар берди.

Фото: «Bugun.uz»

Маълум қилинишича, Оқтов аэропорти халқаро парвозларни қабул қилишни ва амалга оширишни ёпгани муносабати билан 5 январь куни амалга оширилиши режалаштирилган. Урганч–Оқтов–Урганч йўналиши бўйича қатновлар бекор қилинди. Ушбу йўналишда парвозларни йўлга қўйиш кунлари ҳақидаги қўшимча маълумот берилиши айтилган.

Қайд этилишича, йўловчилар 5 январь кунига Оқтовга бекор бўлган парвозлар авиачипталарининг тўлиқ қийматини чипта сотиб олинган жойдан қайтариб олиш ёки бошқа санага бепул қайта бронлаш ҳуқуқига эга.

Аввалроқ Ҳиндистондаги эпидемиологик вазият сабаб Тошкент–Деҳли йўналишидаги авиақатнов бекор қилинганди.