Ўзбекистонда 2022 йил 1 апрелга қадар тухум маҳсулоти экспорти вақтинчалик тўхтатилди. Бу ҳақда ҳукумат қабул қилган баёнда билдирилган.

Фото: «Bugun.uz»

Қайд этилишича, республикада озиқ-овқат хафвсизлиги ва ички истеъмол бозорларида нархлар барқарорлигини таъминлаш мақсадида Иқтисодий тараққиёт ва камбағалликни қисқартириш вазирлиги ҳамда Қишлоқ хўжалиги вазирлигининг тухум экспортини вақтинча чеклаш бўйича таклифи ҳукумат йиғилишида маъқулланган.

Бунгача Ветеринария ва чорвачиликни ривожлантириш давлат қўмитаси тухум экспорти бўйича табдиркорларга оғзаки ёки ёзма тақиқ қўйилмаганини билдирганди.

«Bugun.uz» мухбири билан суҳбатлашган «Паррандасаноат» уюшмаси вакили тақиқ мавжудлигини тасдиқлади. Аммо уюшма бундай тақиқни жорий этиш ё олиб ташлаш ваколатида эмаслигини эслатиб ўтди.

Статқўм маълумотига кўра, Ўзбекистонда тухум нархи 2021 йилда қарийб 1,3 фоизга ошган. Лекин бу паррандачалик учун зарур ем ва хом ашё қиммат бўлгани билан изоҳланади.

Маълумот учун, Ўзбекистон бозорларида ўтган йил якунида  тухум нархи (10 дона) — 7000–15 000 сўм атрофида кузатилган.