Тошкентда «Malibu» ЙПХ инспектори талабига бўйсунмай, қочиб кетди — видео

Тошкент шаҳри Чилонзор туманида 9 январь куни «Malibu» ҳайдовчиси йўл-патруль хизмати ходими талабига бўйсунмай, қочиб кетди. Пойтахт Ички ишлар бош бошқармаси ахборот хизмати ҳолат юзасидан муносабат билдирди.

Кадр: Telegram / @mobilmuxbiruz

Маълум бўлишича, туманнинг Гавҳар кўчасида хизмат олиб бораётган Тошкет шаҳар ИИББ ЙҲХБ ЙПХ инспектори катта сержант А.Исмоилов томонидан «Malibu»га ҳужжатларини текшириш мақсадида хуштак ва жезл таёқчаси ёрдамида тўхташ ишораси берилди. Бироқ автомашина ҳайдовчиси ЙПХ инспекторининг тўхташ ҳақидаги қонуний талабига бўйсунмай ҳаракатини давом эттирган.

ЙПХ инспекторларининг кўрган тезкор чора-тадбирлари натижасида автомашина Бунёдкор ва Чўпонота кўчалари чорраҳасида жойлашган мост устида тўхтатилган ҳамда ҳайдовчи томонидан содир этилиши мумкин бўлган бошқа оғирроқ оқибатларнинг олди олинган.

Аниқланишича, автомашинани бошқарган фуқаро 1999 йилда туғилган Р.А.нинг ҳайдовчилик гувоҳномаси, автомашинани бошқариш учун ишончнома ва автомашина ойналарини қорайтириш учун тегишли рухсатномаси бўлмаган.

Ҳайдовчига нисбатан Маъмурий-жавобгарлик тўғрисидаги кодекснинг 126 («Кўзгусимон ва (ёки) туси ўзгартирилган (қорайтирилган) ойнали, шунингдек теварак-атрофни кўришни чеклайдиган қопламали транспорт воситаларидан фойдаланиш»), 135 («Йўл ҳаракати қоидаларида назарда тутилган ҳужжатлари бўлмаган шахсларнинг транспорт воситаларини бошқариши»), 194-моддаларига («Ички ишлар органлари ходимининг қонуний талабларини бажармаслик») асосан маъмурий баённома расмийлаштирилиб, автомашина вақтинча сақлаш учун жарима майдонига жойлаштирилган.

Тошкент шаҳри Юнусобод туманида «Malibu» ўқотар қурол билан тўхтатилгани ҳақида хабар берилганди. Ички ишлар вазирлиги матбуот котибининг кейинчалик «Bugun.uz»га маълум қилишича, автомобиль ҳайдовчиси ушланган.

Намангандаги зиёратгоҳдан Қуръони Карим китобининг қўлёзма нусхаси ўғирлаб кетилди
Жамият, Наманган17:50 | 15.8.22
Намангандаги зиёратгоҳдан Қуръони Карим китобининг қўлёзма нусхаси ўғирлаб кетилди
Ерни кетма-кет магнит бўронлари қоплайди
Жаҳон17:24 | 15.8.22
Ерни кетма-кет магнит бўронлари қоплайди
Ўзбекистонда жазони ижро этиш тизими ходимлари бодикамералар билан таъминланади
Жамият16:57 | 15.8.22
Ўзбекистонда жазони ижро этиш тизими ходимлари бодикамералар билан таъминланади
Ўзбекистонга хориждан ўқишни кўчириш бўйича аризаларни таҳрирлаш учун қўшимча муддат берилди
Илм-фан16:33 | 15.8.22
Ўзбекистонга хориждан ўқишни кўчириш бўйича аризаларни таҳрирлаш учун қўшимча муддат берилди
Шавкат Мирзиёев Ҳиндистон президентини табриклади
Жамият15:59 | 15.8.22
Шавкат Мирзиёев Ҳиндистон президентини табриклади
Наманганда темир йўлда ухлаб ётган эркакни поезд босиб кетди — видео
Жамият, Наманган15:47 | 15.8.22
Наманганда темир йўлда ухлаб ётган эркакни поезд босиб кетди — видео