«USM Holding» гуруҳи таркибига кирувчи «Телекоминвест» компанияси Ўзбекистондаги «Капиталбанк» акциядорлик тижорат банки акцияларини сотиб олди, деб хабар бермоқда «Bugun.uz» мухбири.

Тошкент республика фонд биржаси маълумотига кўра, Алишер Усмоновга қарашли компания 2022 йил 10 январь куни Ўзбекистон банкининг 32,98 миллион дона акциясини ёки устав капиталининг яна 8,33 фоизини сотиб олган. Шундай қилиб, Усмоновнинг «Капиталбанк»даги улуши 25 фоизга етди.

«Bankers.uz» маълум қилишича, «Капиталбанк»нинг «Телекоминвест» билан келишувидан сўнг банкнинг яна бир йирик акциядори — Ойбек Турсуновнинг акциялардаги улуши 41,6 фоизга тушган.

«Капиталбанк» АТБ фонд биржаси ва қимматли қоғозлар бозорининг профессионал иштирокчиси ҳисобланади. Жорий йилда банк Ўзбекистонда валюта биржасининг биринчи маркет-мейкери сифатида эълон қилинди. Бундан ташқари, банк Ўзбекистонда биринчи бўлиб ўз таъсисчилигида бошқа рақамли банк — «Bank Apelsin»ни ташкил этиш орқали банк гуруҳига асос солган.

Аввалроқ Алишер Усмонов 2021 йил бошидан буён қанчага бойигани маълум қилинганди.