Андижон вилояти ЙҲХБ 21 ёшли ҳайдовчининг ижтимоий тармоқларда тарқалган қоидабузарлиги акс этган видео юзасидан суриштирув ишлари олиб борди. Бу ҳақда ИИВ ЙҲХБ ахборот хизмати хабар берди.

Кадр: Telegram / @mobilmuxbiruz

Маълум бўлишича, ижтимоий тармоқда «Lacetti» русумли, 60 510 ААА давлат рақамидаги автомобиль ҳайдовчиси қоидани бузган ҳолда транспорт воситасига рухсат этилмаган «мигалка» ўрнатгани акс этган видео тарқалган.

Таъкидланишича, видео юзасидан Андижон вилояти ИИБ ЙҲХБ ходимлари суриштирув олиб борган. Ушбу автомобиль ҳайдовчиси, 2001 йилда туғилган Б.Т.гa нисбатан Маъмурий жавобгарлик тўғрисидаги кодекснинг 127-моддаси иккинчи қисми билан баённома тузилиб, автомобиль вақтинча сақлаш учун жарима майдонига қўйилган.

Аввалроқ Тошкент вилоятида ЙҲХБга тегишли «Tracker» қоида бузгани учун жарима майдонига қўйилгани, шунингдек, Жиззахда ички ишлар ходими хизмат машинасида қоида бузгани акс этган видео тарқалганди.