Янгиликлар - 10:09 · 14.01.2022

«Ўзгидромет» шошилинч ахборот эълон қилди

Ўзбекистон ҳудудига 15–16 январь кунлари Туркманистон орқали Эрон ҳудудидан совуқ ҳаво оқими кириб келиши кутилмоқда. «Ўзгидромет» хизмати бу ҳақда «Bugun.uz»га хабар қилди.

Фото: «Bugun.uz»

Маълум бўлишича, 15–16 январь кунлари Туркманистон орқали Эрон ҳудудларидан қуруқ ва нам ҳаво массаси, шунингдек, Волгабўйи ҳудудларидан нисбатан совуқ ҳаво массаси кириб келади.

Шунингдек, республика бўйича баъзи жойларда шамол кучайиши кутилмоқда, жумладан, Қорақалпоғистон Республикаси, Хоразм, Тошкент, Сирдарё, Қашқадарё вилоятларида 17–22 метр/секундгача, Бухоро, Навоий, Самарқанд, Жиззах вилоятларида 17–22 метр/секундгача, айрим жойларда 25–28 метр/секундгача кучайиши мумкин.

Сурхандарё, Фарғона, Наманган, Андижон вилоятларида хам 18 январда шамол тезлиги 17–22 метр/секундгача кучайиши кутилмоқда. Қайд этилишича, 15–18 январда республика бўйича вақти-вақти билан ёмғир ёғади, тоғли ҳудудларда ёғингарчилик бўлади (ёмғир, қор), баъзи жойларда ёнғингарчилик кучли бўлади.

Bugun — LIVE