Тошкент шаҳри Юнусобод туманидан ўтувчи метронинг «Туркистон» бекатида 14 январь куни электр симларининг қисқа туташуви юзага келди. Бу ҳақда Фавқулодда вазиятлар вазирлиги ахборот хизмати хабар берди.

Маълум бўлишича, ҳодиса соат 18:12 да содир бўлган. Оқибатда айрим вагонларга тутун кирган. Ушбу ҳолат бўйича вазирлик ҳамда тегишли ташкилотлар зарур чора-тадбирларни олиб борган ва хавф бартараф этилган.

Воқеа сабаб жабрланган фуқаролар йўқ. Айни вақтда метро қатнови режа асосида давом этмоқда.

Аввалроқ Тошкентда Ватан ҳимоячилари кунига бағишланган кўргазмадаги зирҳли техника қисқа туташув сабаб ёниб кетганди.