АҚШнинг мамлакат сифатида парчаланиб кетиши мумкинлиги маълум қилинди. Бу ҳақда фуқаролар уруши ҳолатларини ўрганувчи экспертларнинг фикрига таяниб, таниқли америкалик тарихчи, Йел университети профессори Тимоти Снайдер «Business Insider» нашрига берган интервьюсида айтиб ўтди.

Тарихчининг тушунтиришича, бунга бир нечта омиллар сабаб бўлиши мумкин. Айрим кўрсаткичлар эса хавотир уйғотмоқда, бу эса Қўшма Штатлар парчаланишига олиб келувчи жиддий можаро ёқасида эканидан далолат бермоқда.

Унинг фикрича, агар собиқ давлат раҳбари Дональд Трамп 2024 йилги сайловда ғалаба қозонса, Америка ҳозирги кўринишида мавжуд бўлишни тўхтатиши хавфи бор. Снайдернинг қайд этишича, фуқаролар урушлари пайдо бўлишининг дастлабки шартларини ўрганаётганлар назарида Америкадаги вазият «яхши кўринмаяпти».

«Мавзуни нейтрал нуқтаи назардан ўрганаётган социологлар маълум кўрсаткичларни кўрмоқда, бу биз қандайдир можаролар авж олиши ёқасида эканимизни намойиш этмоқда», — дейди тарихчи келажакда техник нуқтаи назардан сайловларда «катта фарқ билан» ютқазадиган шахс мамлакат президенти бўлиши мумкинлигини истисно этмаган ҳолда.

Унинг фикрича, бунга қатор «ҳийлалар» ҳисса қўшиши, бу сценарий эса фуқаролар уруши ва мамлакатнинг қулашига олиб келиши мумкин. «Гап сиёсий қайта қуришга олиб келадиган можаро ҳақида кетмоқда, бунда АҚШ ҳозирги кўринишида мавжуд бўла олмайди», — дея хулоса қилган тарихчи.

Аввалроқ  АҚШда 2019 йил август ойида Конгресс томонидан тўхтатилган қарз лимити яна амал қилишни бошлаганди. Шунингдек, АҚШ ҳукумати ўз тарихида биринчи марта дефолт эълон қилиши мумкинлиги хабар берилганди.