Коронавирусдан кейин танани эски ўлик ҳужайралардан тозалайдиган антитаначалар сони ортади. Бу ҳақда «РИА Новости» хабар берди.

Маълум қилинишича, катта миқдорда ўпканинг зарарланишида тирик ҳужайраларга нисбатан тажовузкорлик кўрсатадиган антитанчалар ҳам ишлаб чиқарилиши мумкин. Роспотребнадзорнинг тиббиёт фанлари доктори Татьяна Руженцова бу ҳақда маълумот берган.

«Инсоннинг турли аъзолари ва тўқималари ҳужайраларига қарши антитаначалар бор. Улар танани эски ўлик ҳужайралардан тозалаш учун зарур, чунки доимий янгиланиш жараёни бўлади. Бундай антитанача баъзан ‘тозаловчи антитаначалар’ деб аталади», — дея тушунтирган у.

Руженцованинг таъкидлашича, катта миқдордаги зарар билан янада фаол антитанчалар ишлаб чиқарилиши мумкин. Улар тирик ҳужайраларга ҳам ҳужум қилади. Ўз навбатида, антитаначалар даражасининг аниқланган ортиши билан боғлиқ клиник симтомлар ҳақида маълумотлар мавжуд эмас.

Аввалроқ «омикрон» штамини зарарсизлантириш учун организмда қанча антитанача бўлиши кераклиги айтилган. Шунингдек, қондаги қанд миқдорининг коронавирусга таъсири ҳақида маълумот берилганди.