Янгиликлар - 17:05 · 16.01.2022

Ковидга қарши хавфсиз эмланиш бўйича маслаҳат берилди

Коронавируснинг «омикрон» штами тарқалиши шароитида эмлашда икки-уч метр ижтимоий масофани сақлаш ва респираторлардан фойдаланиш зарур. Бу ҳақда россиялик мутахассисларга таяниб, «Ura.ru» хабар берди.

Фото: «The Guardian»

Маълум қилинишича, бундай тавсияларни тиббиёт фанлари номзоди, инфекционист, вакцинолог Евгений Тимаков ва Россия Соғлиқни сақлаш вазирлиги мутахассиси, тиббиёт фанлари доктори Сергей Токарев берган.

«Бирор киши эмланиш учун кетаётганда у ва унинг оила аъзолари касал бўлмаганига ишонч ҳосил қилиши керак. Буруннинг оқиши, томоқ оғриғи, терлаш бўлмаслиги керак. Чунки булар ‘омикрон’нинг дастлабки белгилари бўлиши мумкин.  Эмлашдан кейин 30 дақиқа давомида шифокорлар назорати остида бўлиш шарт», — деган мутахассислар.

«Эмлашдан олдин, иложи борича, хавфсизликка риоя қилиш керак. Сиз навбатда турган оломондан қочишингиз учун белгиланган вақтда вакцинация пунктига боринг», — деган Cергей Токарев.

Мавзуга доир: Гриппга қарши эмланиш ковиддан ҳимоя қиладими?

Эслатиб ўтамиз, аввалроқ ЖССТ кимлар вакцинанинг учинчи дозаси билан эмланиши кераклигини маълум қилганди.