Наманганда юк автомашинаси ағдарилиб кетди — фото
Наманган вилояти Поп туманида 15 январь куни айланма йўлдан ҳаракатланиб кетётган юк машинаси ағдарилиб кетди. Бу ҳақда вилоят Йўл ҳаракати хавфсизлиги ахборот хизмати хабар берди.
Маълум қилинишича, 15 январь куни соат 03:00 атрофида Наманган вилояти Поп туманида Ором айланма йўлида ҳаракатланиб кетаётган юк автомашинаси ҳайдовчининг ҳаракат хавфсизлигини таъминлай олмаслиги оқибатида ағдарилиб кетган.
Келтирилишича, ҳодиса оқибатида жароҳат олганлар йўқ.
Аввалроқ Тошкент вилояти Оҳангарон туманида 13 декабрь куни «Isuzu» юк машинаси йўл четига ағдарилиб кетганди. Шунингдек, Қашқадарёда «Жигули» билан тўқнашган йўловчи автобуси ағдарилиб кетгани хабар қилинганди.
