Америкалик шифокор Сюзан Уолли коронавируснинг «омикрон» штами билан касалланган болаларда йўтал юзага келишини айтди. Бу ҳақда «Cursorifo» хабар  берди.

Маълум қилинишича, мазкур симптомда балғам ажралиши кузатилмайди. У Қўшма Штатларда беш ёшга тўлмаган коронавирусга чалинган болалар кўплиги, бунга мазкур ёшдаги болалар вакцинация тоифасига киритилмаслиги сабаб бўлаётганини айтган. Мутахассис ўзи ишлаётган миллий болалар госпитали ҳақида гапириб, ушбу муассасада ковидга чалинганлар сони рекорд даражада эканини қайд этган.

Эслатиб ўтамиз, коронавирусга чалинган болаларда нафас олишда кузатиладиган ўзгаришлардан ташқари, «ковид бармоқлари» (қўлнинг музлашига ўхшаш жараён) аломати ҳам кузатилиши мумкин. Вояга етмаганлар ошқозон-ичак трактининг бузилишини бошдан кечириши мумкин ва улар ковид билан касаллангандан кейин буйраклар, жигар, юрак-қон томир тизими, нафас олиш тизими билан боғлиқ муаммоларга ҳам дуч келади.

«Яқинда олимлар ‘ковид бармоқлариʼ деб аталадиган аломат, яъни бармоқларнинг музлашига ўхшаш ковиддан кейинги асоратни аниқлади», — дейди мутахассис.