Янгиликлар - 13:09 · 16.01.2022

Самарқандда кучли шамол оқибатида кўп қаватли уйнинг томи учиб кетди — видео

Самарқанд шаҳрида 16 январь куни кучли шамол оқибатида уйлардан бирининг томи учиб кетди. Бу ҳақда вилоят Ички ишлар бошқармаси ахборот хизмати хабар берди.

Фото: Самарқанд вилояти Ички ишлар бошқармаси ахборот хизмати

Маълум бўлишича, 16 январь куни соат 03:22 атрофида Самарқанд шаҳар Гагарин кўчасида жойлашган 36-уй том ёпмасининг бир қисми кучли шамол оқибатида кўтарилиб, пастга тушган. Таъкидланишича, содир бўлган ҳолат оқибатида жабрланганлар йўқ.

Аввалроқ «Ўзгидромет» шошилинч ахборот эълон қилиб, 15–16 январь кунлари баъзи жойларда шамол кучайишини, совуқ ҳаво кириб келиши ва кучли ёғингарчилик кузатилишини хабар қилганди.