Америкалик олимлар ковидга қарши илгари номаълум бўлган йигирмага яқин антитанача хоссаларини ўрганиб, улардан иккитаси «дельта», «бета» ва «омикрон» штамларини зарарсизлантира олишини аниқлади. Бу ҳақда «medRvix» хабар берди.

Маълум қилинишича, ковиднинг янги вариантлари вакцина билан қўзғатилган антитаначаларнинг қаршилигини ва уларнинг патогенлигини ошириши мумкин. Ўтказилган тадқиқотлар шуни кўрсатдики, «омикрон» кўплаб моноклонал антитаначалар томонидан нейтралланишга нисбатан сезгирликни камайтиради ёки йўқ қилади.

Тадқиқот давомида АҚШдаги Миллий аллергия ва юқумли касалликлар институти мутахассислари 12 беморнинг иммун ҳужайраларидан ДНК ипларини ажратиб олган оқсил қобиғида антитанача бўлаклари пайдо бўлиши учун уларнинг асосий қисмларини бактериофаг геномига киритган. Олимлар бундай вирусларнинг навларини тайёрлаб, кўпайтирган ва уларнинг коронавирус қобиғи бўлаклари билан бирлашишини кузатган.

Шундай қилиб, коронавирусга қарши илгари номаълум бўлган йигирмага яқин антитаначаларни аниқланган, улардан иккитаси «NE12» ва «NА8» — энг кучли антитаначалар бўлиб, улар ҳам коронавирус мутацияларини, ҳам «дельта», «альфа», «омикрон» ва «бета» штамини самарали зарарсизлантиради.

Америкалик олимлар уларнинг техникаси беморларнинг қон намуналаридан SARS-CoV-2’га антитаначаларни тезда ажратиб олиши ва кўпайтириши ҳамда уларнинг самарадорлигини баҳолашига ишонч билдирган. Олимлар ушбу кашфиёт ковид инфекциясининг беморларда кузатиладиган салбий оқибатининг олдини оладиган ковид препартларни ишлаб чиқаришда ёрдам беришини айтган.

Аввалроқ коронавируснинг янги аломатлари эълон қилинганди. Шунингдек, коронавирус кўпроқ сурункали касаллиги бор инсонларда мутацияга учраётгани айтилган.