Британиянинг «Bellwether Industries» компанияси ўзининг илк учар машинасини синовдан ўтказди. Бу ҳақда «Interesting Engineering» хабар берди.

Маълум қилинишича, бу компания бир неча йиллардан буён ўзининг учар аппарати устида ишламоқда ва уни 2028 йилгача бозорга олиб чиқиш ниятида. Компания аллақачон биринчи парвоз синовларини ўтказган.

Таъкидланишича, «Volar» учар машинаси масофадан туриб бошқарилади. Парвознинг ўзи ҳали унчалик барқарор бўлмаган, бироқ экспертларнинг фикрича, қурилма ўз вазифасини аъло даражада бажара олади. Техника парвоз пайтида жуда катта ҳажмдаги маълумотларни тўплаш ва қайта ишлаши керак. Ишлаб чиқарувчига кўра, машина соатига 217 километр тезликда ҳаракатланади. Ўрнатилган қайта зарядланувчи батарея 90 дақиқагача ишлаши айтилган.

«Bellwether Industries» жамоаси дуч келадиган техник муаммолардан ташқари, маълум ҳуқуқий муаммолар ҳам мавжуд. «Volar»ни бозорга чиқариш учун парвоз сертификатини олиш керак бўлади, аммо бу унчалик осон бўлмайди, чунки шунга ўхшаш «Velocopter» компанияси 2023 йилда самолёт бозорига ўз автомобили билан киришни режалаштирган бўлса ҳам, ҳали сертификат олмаган.

Аввалроқ Чехияда учар такси синовдан ўтказилгани ва Франциянинг самолёт ишлаб чиқарувчи компанияси учар таксини тақдим этгани маълум қилинган.